Lincoln, 27 October : India A aru New Zealand A majete first unofficial Test match Tuesday te draw hoise, kintu India A victory pora matro ekta wicket dur te thakise. India A first innings te 113 runs te all out hoar pichete New Zealand A 204 runs laga lead paise. Kintu second innings te India A strong comeback korise.
Devdutt Padikkal career best 199 runs bonaise, kintu double century complete koribole ek run kom thakute catch out hoise. Sai Sudharsan 91 runs, Yash Rathod 66 aru Washington Sundar 52 runs bonai team ke 517 score te ponchaise. India A opponent ke 313 runs target dise.
Auqib Nabi early wickets loi New Zealand A ke pressure te rakhise. India A opponent laga nine wicket loi loise, kintu bad light aru rain karone match continue koribo para nai. Itu karone India A ek wicket baki thaka homoi te outright victory napai.
