US, 2 August 2025: Andrew James McGann, ekjon 28 years para former primary school teacher ase, tai laga upor te capital murder laga charge ase, karone tai Clinton David Brink (43) aro Cristen Amanda Brink (41) ke Arkansas te thaka Devil’s Den State Park te muri she koi ase, etu bhi tai laga duita maki bacha laga suku laga osor te . Maki duita, tu 9 aro 7 years para ase, tai tu tai khan laga jaka para escape kuri kena alarm tu uthi kena rakhi she . McGann punch din pichi te tu ekta barbershop te haircut upor te thaka time te dhura khai kena aro police ke confess kuri she. Tai tu safely rakhi kena investigate kuri ase aro tai laga motive etiya tak bhi janai nai.
McGann laga past te bhi ulta-palti behavior dekhai she. Donald Elementary School, Texas te thaka time te tu tai teacher thaki she, tati ekta parent, Zacharri Polyak, koi ase ke McGann tu young maki khan logot disturbing behavior dikhai thaki she. Tai koi ase ke McGann ekta maki ke tai laga lab te loi jai kena aro tai koise ke, “Tui tu moi laga maki hobo, moi date kuri bole bisare,” koi she. Tai maki khan ke besi attention de thaki she, candy, drinks khan de kena, tag kheli bo, aro tickle kuri thaki she – etu tu sob suspect behavior khan ase.
Dusra parent Sierra Marcum bhi koi ase tai laga maki class teacher McGann ke “cold” aro “disinterested” person ase koi kena experience kuri thaki she. Tai complain bhi kuri she ke tai laga bacha tu ghor te upset hoi kena ahi she.
2022–2023 academic year te Lewisville Independent School District te tai ke administrative leave te rakhi thaki she, hoilay bhi internal investigation te kunba inappropriate behavior khai eku pa nai. McGann May 2023 te resign kuri she.
Pichi te, McGann ke Oklahoma te Spring Creek Elementary te job pai kena, aro Arkansas te Springdale Public Schools te start kuri bo lay thaka thaki she. Duita jaka te tai background check pass kuri kena aro kunba disciplinary issue khan bhi thaka nai. Etu murder case tu school hiring system logo te related serious concern te uthai dise.
Add Comment