Dimapur, August 18: Dimapur Govt. College pethor aro pahar deh climate friendly environment aro cleanliness thek thakibo nemide college laga Alumni Association para August 17 direk social work loishe.
Alumni para construction area deh lethara chese khan thaga sabha korise aro 300 meters long green net fencing repair korise aro tree plantation area phali banner lagaise.
DGC Alumni Association para golden jubilee laga commemoration deh twin main gates toh bonabe bonaise aro students laga physical aro economic needs nemide college canteen joli ase. Alumni association para be nejor laga resources para waiting shed cum canteen bonai ase. Etu toh November 2019 deh kothom hobole biswaas kori ase.
Alumni association para college authority, teachers, students aro friends ke ektum kushi powah janaise kelay koile sob project phal para kothom hobo nemide motob dekana thaga nemide. Etu sal association para social work program lowah toh second wala ase. First wala toh June 5 direk World Environment Day mana time deh loise. Organisation para be May 2019 deh climate change laga seminar lowah thakise.
Add Comment