Dhaka Airport-te bishi dangor aag lagishe, flight sob suspend kurishe

Bangladesh, October 18 – Ekta dangor aag lagishe Hazrat Shahjalal International Airport Dhaka-te, Bangladesh, Saturday din, juntu karone flight sob operation temporary suspend kuri ase. Report hisap te, aag toh lagishe Gate 8 laga cargo section-te, aru dangor dhunga uthi ja karone staff aru passenger khan majote dangor panic hoi jaishe. Official khan janai dishe ki 30 para beshi fire service unit deploy kori dishe aag control koribo nimite. Etiya tak kunba casualty laga report nai, kintu fire laga karon toh etiya tak confirm hoi nai. Kunba report hisap te, aag toh cargo warehouse-te rakha goods para shuru hobo pare. Aag lagi karone sob flight — inbound aru outbound — temporary suspend kuri dishe. Kunba flight khan divert kuri dishe Shah Amanat International Airport, Chattogram aru Osmani International Airport, Sylhet logote divert kuri dishe. Authority khan confirm kuri dishe ki kun aircraft bhi damage honai. Civil Aviation Authority of Bangladesh (CAAB) janai dishe ki flight operation toh kewol fire department para safety clearance paile hai shuru kuribo paribo. Airport official khan bhi janai dishe ki emergency system bhal para kaam kori ase aru bishi dangor danger toh bachai dishe. Investigation choli ase aru etu incident para manuh khan majote fire safety aru cargo management upor te dangor concern uthai dishe. Authority khan passenger khan ke janai dishe jate taikhan nijor airline para update lobole flight reschedule karone. Etu dangor aag Dhaka airport-te ekta reminder ase, ki bhabe bishi busy airport khan-te safety aru emergency preparedness bhal para maintain kora laga dorkar ase.