Dhanush Srikanth Gold clinch kuri loishe,World Record break kurishe 2025 Deaflympics te

Sunday, November 16 – India laga shooter Dhanush Srikanth 2025 Deaflympics-te ekdom outstanding performance dikhai kena men’s air-rifle event-te gold medal jeeti loi she. Tai final round-te 252.2 points loikina ekta nosto world record set kurishe, aru etu tai karone Deaflympics history-te ekta dangor achievement hobo. Srikanth age te bhi etu event-te champion thakishe, aru etu bar tai nijor title defend kurikina aru bishi dangor identity banai dishe. Final-te Dhanush Srikanth bishi confident  para shooting start kurishe, aru tai laga first shot para tai lead maintain kurikena last shot porjonto ekdom stable thakishe. Tai laga consistent focus aru calm mindset-te last moment-te bhi tai ekdom strong performance dibole parishe. Tai laga competitor aru country represent kuri thaka Mohammed Vania bhi bishi impressive score anishe aru silver medal jeetishe, 250.1 points para ekta dangor achievement anishe. Duita India shooter podium-te uthi kina, ekta perfect 1–2 finish dibole parishe, junta India karone ekta dangor gorbo. Etu din India women shooters-bhi  kom nohoi performance dikhaikena Mahit Sandhu aru Komal Waghmare women’s air-rifle event-te silver aru bronze medal paikina podium complete kurishe. Etu dekhaishe ki India ekela ekjon nohoi, kintu deaf shooting sports-te pura strong team hobo para country hoishe. Dhanush Srikanth laga etu world-record breaking jikor khali tai karone nohoi, kintu pura deaf community karone ekta dangor inspiration ase. Tai laga hard work, determination aru discipline-ke loikena bishi young athletes deaf aru hearing-impaired category para inspiration loi thakibo pare. India laga sporting journey-te, etu jikor ekta nosto chapter add kurishe, jun future-te bhi remember hobo.