Juhu, 24 November : Actor Dharmendra, Indian cinema history te ekta bisi successful aru popular leading actor, age 89 te expire hoi jai se. Itu mahina te ekta dangor health scare pora recover kori thaka tai, Monday morning Juhu te tai laga ghar te expire kori dise. Tai pichete tai laga family laga presence te Pawan Hans crematorium te cremation kora dise.
Veteran actor Dharmendra pichete tai laga duita wife — Prakash Kaur aru actor Hema Malini, aru 6ta bacha chari jai se, jiman te Sunny Deol, Bobby Deol aru Esha Deol bhi ase.
Dharmendra 1935 te Ludhiana laga ekta gaon te jonom loi se. Tai laga film career 1960 te romantic drama Dil Bhi Tera Hum Bhi Tere pora start hoise. 60s te tai romantic hero hisab te establish kori loi se, second lead aru famous female stars logot film kori — Bandini, Ayee Milan Ki Bela, aru Khamoshi te. Tai first major recognition paise Chetan Anand laga 1965 war film Haqeeqat pora. Kintu next year laga Phool Aur Patthar tai ke ekta fully saleable star banai dise.
Next decade te, Dharmendra Bollywood laga dangor hit film hokol te kaam kori loi se — Mera Gaon Mera Desh, Seeta Aur Geeta, Chupke Chupke, Sholay, aru Yaadon Ki Baraat. 80s te tai action film te transition kori loi, ensemble cast aru low-budget crime thriller te bhi lead kori loi. Itu genre te bhi tai bisi success paise, aru India te “He-Man of India” buli janibo loga hoise.
Dharmendra ekta rare actor thaki, juntu later time te character artiste hisab te bhi successful transition kori pare. Tai supporting roles te Pyaar Kiya To Darna Kya, Johnny Gaddaar, aru Rocky Aur Rani Kii Prem Kahaani te bhal performance dikhai se. Tai bacha Sunny aru Bobby logot Yamla Pagla Deewana series te aru Apne te bhi kaam kori se. Tai laga last film Ikkis next month release hobo.
Dharmendra 19 saal te Prakash Kaur logot biyah kori se. Tai fourta bacha paise tai logot — jiman te Sunny aru Bobby bhi Bollywood te tai laga path follow kori se. 1980 te Hema Malini (tai laga frequent co-star) logot second marriage kori se, aru dujon mila Esha aru Ahana Deol ke paise.
Padma Bhushan recipient Dharmendra 2004 te BJP ticket te Bikaner pora Lok Sabha te elect hoi se aru ekta term Member of Parliament hisab te serve kori se.
Add Comment