DHFW Para 24 Drug Khan License Khan Cancel Kurishey, Retail Pharmacy Khan Laga, Dimapur Aru Chumoukedima Tey

February 02.02.2025, 05:38 PM: Itu Health & Family Welfare laga Department para ekta public notice issue kuri kena inform kurishey, 31^st January, 2025 tey, ki, alag alag notice khan issue kuria ke pursue kuri kena aru itu Registered Pharmacist laga employment nimitey time bishi diya pichetey bhi, itu Licensed pharmacy khan tey, Rule-65 under tey lagi thaka hisap tey, itu Drugs laga aru Cosmetic Rules 1945 laga, itu Drugs Control Administration, Health aru Family Welfare laga Department para toh hoiley 24 Drug License khan cancel kuri dishey, Retail pharmacy khan laga, Dimapur aru Chumoukedima district khan tey, yatey di kena thaka khan toh. 

Itu nimitey, itu Drugs license khan cancel kuri diya laga light tey, medicine khan laga supply kuria, eneka nishina laga illegal firm khan toh hoiley Drugs aru Cosmetic Act 1940 laga violation kuria laga consider kuribo koishey aru itu opor tey Rule khan banawa namanishey koiley, legal action khan loboley asey, galti kuria supplier khan nahoilebi wholesaler khan laga against tey.

Itu exercise toh hoiley public laga health laga safety aru interest tey conduct kuria laga asey, aru eneka hey itu department toh hoiley continue committed thakiboley asey, itu phase manner tey, sob district khan tey, itu State tey, kuntu khan toh screen kuri kena asey aru streamline tey asey.