Guwahati, Sep 22:Assam, Nagaon district, Ding te duita manu ke arrest kurishe 17 year old maiki ke rape kura karne. Etu Wednesday evening te hoishe. Nagaon la SP Pranab Kalita TOI ke koishey maiki ke toh rape kurishey medical exam la hisap pra toh. Wednesday din te maiki la family pra FIR lodge kursihe taikan la bacha ke rape kura karne. Duita manu la nam loina report kurishey. Taila dada aro maiki wapas taikan la buri ama ke ghor punchai na wapas ahi time te hoishey. Mota duita bike pra maiki ke jobor josh uthai na ekta jaka loi jaishey. Tadeh rape kuri dishe. Tadeh la osor manu kan taila dada la kanda hunina help kuriwo jaishey. Maiki ke bachai na hospital loijaishe medical exam karne. Nagaon la SP kwa hisap toh complaint la hisap te police kan operation launch kurishey etu rapist ke dhuribo le. Arrest kurina duuijun ke b court te anina echa police custody te ase. Maiki toh echa danger zone pra bahar ase. Police khan rapist la identify kwa nai kile koileh maiki aro rapist kan toh neighbour thakishey. August 22 te b 14 year old maiki ke gang-rape kurina charishey Dhing te. Maiki toh tuition pra wapas ghor jai time te.
March 14, 2026
World's First and Only Nagamese Newspaper
Add Comment