August 6, 2021. Dhubri based 48 Battalion laga Central Reserve Police Force (CRPF) para pre-recruitment training-cum-coaching camp thakiboli ase koishe aro etu kam kora te employment opportunities othibo aro local youth khan ke armed force te loboli kori ase. Etu khobor janai deya te commanding officer (CO) of 48 Bn. CRPF para koishe ke, camp toh tuita(2) districts- Dhubri aro South Salmara Mankachar, Lower Assam CRPF camp, District Industries & Commerce Centre (DICC) Gauripur town, Dhubri district te candidates nemite organized koriboli ase. Candidates sob manuh ke tai khan laga nam toh sobse osor CRPF camp te nam toh August 25 darik akhe te registered koriboli lage, koikena offcials para etu khobor toh janaishe. “jodi candidates khan registration samai dukh hoile, tai khan para CRPF helpline numbers – 03662-295166 aro 8219164215 te contact koriboli paribo,” koikena CRPF officials para koishe. Tai koishe ke, unit para physical aro ground tests organize koribo aro etu oper te participants khan ke recruitment rallies samai theoretical classes be thiboli janaishe. Pre-recruitment training camp toh bosti pithor te youth nemite motob korikena tai khan ke central armed neshina CRPF, BSF, SSB, CISF, AR, NIA, SSF aro ITBP te screening loikena join koriboli nemite motob koribo koishe aro etu samai pre-recruitment training test lobo, koikena CRPF official para aro janaishe. Staff Selection Commission (SSC), New Delhi para olop din akhe 25,271 constable/general duty (GD) posts nemite alag-alag armed forces laga recruitment advertised junaikena ase. Etu posts laga details toh SSC website – https://ssc/nic.in te paijabo aro online application forms submission last darik toh August 31, 2021 darik ase koikena janaishe.
Add Comment