Indian aviation te thaka private airline khan laga lamba line te aro ekta airline industry toh bishi joldi halibole ase. Jet Airways koishe ke tai khan laga fund toh khotom hoijaishe. Etu nimite Wednesday rati te Jet Airways khobor dishe ke tai khan laga operations olop samay nimite rukhi kena thakibo. Jet Airways para bankrupt huwa kotha toh ekdam bishi bar kuwa pichete bhi banks emergency funds release kuribole mana nai. Banks toh white knight napa tok funds release nakuribo koishe. Airways kaam kura rukhishe aro Wednesday din tok adha dozens para bhi bishi berai thaka planes khan rukahishe.
Airline toh bishi chinta hoishe. Kile koile desh pura te airways laga ekdam zaruri airports te thaka sob para kimti departure toh poila para loi loishe. Aro nohoile bhi deri nohoi kena dusra airlines te pothabole ase.
Gorom mousom khotom nahuwa agay te Jet wapas uthibole parile. Jet toh dubara etu slots khan pabole paribo koishe. Etu toh October agay te hubole lagi ase. Agay te ke hubole ase etu toh kina manu khan opor te ase. Bank para jua hafta te huwa Expression of Interest (EOI) process te kinibole thaka manu khan para airlines kinibole interest dekhaishe.
Banks para emergency modot dibole man kura laga asol karan toh tai khan EOI logote para quantity aro quality indicator pa nimite ase. Bisas kuribole tan ase ke judi EOI khan toh serious thaka nai koile toh banks khan para Jet ke olop samay nimite saath dibole thaka nai. Etu kotha janibole parishe ke Jet toh dubara kaam suru kuribole paribole nimite etiya miracle he lagi ase.
Jet toh gerija nimite market toh helijaishe. Aro ekdam serious sawal uthaishe ke kile domestic airlines industry toh enterprise nimite eman dikdaar ase.
Jua dos saal para bhi agay para adha dozen para bhi bishi private companies khan adha rasta para geri jaishe. Aro etu toh sob jana laga kotha ase ke kenika Air India toh kenika government laga support loi kena uthi jaishe. Etu toh hossa kotha ase ke airline chola te adha expenses toh tail te he khotom hoi jai. Aro etu toh manage kuribole ekdam dikdar ase. Hossa kotha toh industry te ekdam bishi competition thaka thaka nimite industry toh niche geri ase. Airlines industry laga bhal samay te airlines industry te margins toh ekdam patla thakishe. Hoile bhi tail laga daam utha nimite aro industry te competition bishi hoiija nimite industry te bishi biya affect ahishe.
Niche aha laga race te saath saal agay te Kingfisher thakishe. Etu agay te Air Deccan aro etu agay te Air Sahara thakishe. Etiya etu pichete Jet ase. Etiya aro dusra toh kuntu industry hubole ase etu toh kun bhi najane.
Add Comment