New Delhi, 4 March: Dhurandhar 2 karne akash etiya clear hoijaise. Spy thriller juntu Aditya Dhar direct korise, etiya March 19 te solo release pabo, karon Toxic, juntu Yash laga pan-India action thriller ase, June loi push kori dise. Solo release advantage loise, Dhurandhar 2 North America te pre-sales te momentum uthise aru release hua 2 hafta age te $100k cross kori dise.
Wednesday din Sacnilk report korise ki Dhurandhar 2 pre-sales para $100K earn kori dise, juntu $70K premiere (March 18) karne ase. Film etiya sob location aru sob screen te open nohoi, kintu ahia hafta te hobo. Itu mane film premiere para he $1 million cross koribo target ase. Animal, juntu Sandeep Reddy Vanga direct korise aru Ranbir Kapoor star ase, US te biggest Indian film premiere record dhori ase – 2023 te $1.2 million earn korise. Dhurandhar 2 itu cross koribo pare kuina dekha jai ase.
Dhurandhar Part 1 North America te bisi dangor success hoise, US aru Canada te $20 million besi kamai korise. Itia Baahubali 2 ke beat kori North America te sobse highest-grossing Indian film hoise tai laga run ses hua age te. Etya laga buzz sab dekhi, Dhurandhar 2 bhi etu achievement repeat koribo pare.
Wednesday din, Indian cinema laga ekta dangor tarikh age 2 hafta thaka somoy, Toxic laga makers announce korise ki film release June te shift korise. Statement te Yash koise ki ‘Middle East te uncertainty’ karone itu decision loise. Film etiya June 4 te release hobo kuina social media te confirm korise.
Itu karone Dhurandhar: The Revenge ekta solo release window pai dise, aru fans juntu ‘Dhuroxic’ kuina koi thaka mega clash nohoi. March pura maas te aru kunba dangor Bollywood release nathaka karone, Dhurandhar 2 box office te raj koribo kuina asha ase. Early projection hisab te first weekend te ₹150-200 crore opening hobo pare.
Aditya Dhar direct kora Dhurandhar 2 te Ranveer Singh Hamza aka Jaskirat role te wapas ahi ase. Aru R. Madhavan, Arjun Rampal, Sanjay Dutt bhi wapas ahi ase, aru Akshaye Khanna ekta cameo role te ase. Film tu 2025 blockbuster Dhurandhar laga sequel ase, juntu worldwide ₹1300 crore earn kori Hindi cinema te second-highest-grossing film hoise.
Add Comment