New Delhi, 4 May : 7 week pichete box office te momentum kom hoijai thakile bhi, Aditya Dhar laga Dhurandhar: The Revenge (Dhurandhar 2) etiya bhi notun record bhangi thakise. Sunday din, film tu SS Rajamouli laga Baahubali 2: The Conclusion lifetime collection cross korise, India laga second-highest-grossing film hoise. Dhurandhar: The Revenge, juntu te Ranveer Singh lead role te ase, May 3 din 46th day complete kori dise. Notun film ahar karone screen count 500 pora kom hoise, juntu karone daily collection etiya ₹1–1.5 crore ase. India te film tu ₹1138 crore net (₹1362 crore gross) reach kori dise. Overseas te film ekdom strong thakise. Gulf te release nohoi thaka pichete bhi, $50 million pora besi collect kori dise. Monday (May 4) hisab te, global gross ₹1789 crore hoise, juntu Baahubali 2: The Conclusion laga ₹1788 crore record cross kori dise. Etu time te, Dhurandhar: The Revenge box office te slow hoi ase, karon Bhooth Bangla aru Hollywood film nisina Michael aru The Devil Wears Prada 2 release hua pichete audience choice kom hoise. Alag weekend te daily collection ₹50 lakh pora kom hobo pare. Film tu ₹1800 crore worldwide cross koribo, kintu itu laga upor najabo kuina dhorom ase. Tai etiya India laga second-highest-grossing film thakibo, notun dangor film etu record bhangi nadiye tak. Number one position te etiya bhi Dangal ase, juntu ₹2070 crore gross logote lagbhag 10 saal pora record dhori ase. Agey time te, kunba dangor project etu record challenge koribo pare—Nitesh Tiwari laga Ramayana (dui-part film) aru SS Rajamouli laga Varanasi, juntu RRR pichete tai laga next dangor release hobo. Dhurandhar: The Revenge Dhurandhar laga sequel ase. First film bhi ekdom blockbuster ase, ₹1300 crore pora besi worldwide earn kori thakise. Film te Akshaye Khanna, Arjun Rampal, R Madhavan, Sanjay Dutt, Rakesh Bedi aru Sara Arjun bhi important role te ase.
Dhurandhar 2 para Baahubali 2 ke beat korise
Add Comment