New Delhi, 2 December : Central Board of Film Certification (CBFC) Delhi High Court ke koise ki Aditya Dhar laga Dhurandhar film laga kunba link Major Mohit Sharma logot nai, aru etu pichete film ke certify kuri dise. A certificate diya pichete, film laga runtime, story, aru dusra details—Ranveer Singh starring—public te reveal kura ase. Itu sob kotha etia janibo.
CBFC website hisab te, Dhurandhar A certificate paise aru runtime 214.1 minutes (3 hours 34 minutes 1 second) dikhaise. Itu etia Bollywood laga sob oli para dangor length thaka film hoi jaise—Jodha Akbar (2008) release hoile para 17 saal pichete—aru Ranveer Singh laga first A-rated film bhi ase.
Film laga synopsis website te etu para dikhaise:
“1999 te IC-814 hijack aru 2001 Parliament attack pichete, India laga Intelligence Bureau Chief Ajay Sanyal ekta indomitable mission devise kore—Pakistan te thaka terrorist network ke break koribo karone Karachi laga underworld mafia te infiltrate kori loi jabo. Itu majot Punjab para ekta 20 saal laga lorra, juntu revenge crime karone captive te thaka ase, tai ke Sanyal identify kori loi jabo.”
Dhurandhar release hobo lagi thaka somoi te, Ashoka Chakra awardee Late Major Mohit Sharma laga parents Delhi High Court te film makers oporte case file korise. HC CBFC ke direct kori dise ki parents khan uthaiga objection sob consider kuri lobo.
Parents laga petition te koise ki film ke stop kuri lobo lage—karon film ke “inspired by true events” kuina promote kora hoi thaki ase, aru story supposedly Major Sharma laga persona, operation, aru sacrifice logot milai diya ase buli suspicion uthai thaki ase.
CBFC reconsideration kori court te janai dise ki family laga objection reject kurise. Tai khan conclusion te koise ki film te Major Sharma laga life, service, kiman experience ase, itu logot kunta resemblance nai.
Dhurandhar Aditya Dhar laga direction te banaise, aru Aditya Dhar, Jyoti Deshpande aru Lokesh Dhar laga production te—Jio Studios aru B62 Studios banner te release hobo. Film te Ranveer Singh logot Sanjay Dutt, Akshaye Khanna, R Madhavan, Arjun Rampal, Sara Arjun aru Rakesh Bedi bhi acting kori ase.
Film release date 5 December 2025 fix kuri loise.
Add Comment