New Delhi, 29 January : Box office te blockbuster run thaka pichete, jitu time te itu bishi record bhangi dise, Ranveer Singh laga film Dhurandhar etiya Netflix te OTT release pabo. Aditya Dhar pora direct kora itu spy thriller tu Friday (January 30) te platform te ahibo koi thakishey, Netflix laga official note hisab te. Dhurandhar tu pichla saal December 5 te theatre te release hoise aru India te total gross ₹1000 crore paar kori dise, aru worldwide te ₹1300 crore paar hoise.
Netflix India laga website te Dhurandhar laga page update kori diya hoise aru notification diya ase: “Coming on Friday.” Netflix India account thaka viewers khon age pora reminder set kori dibo pare, jate film tu platform te premiere hoile notification pabo.
Aditya Dhar laga Dhurandhar tu ekta Indian spy laga kahani koi thakishey, jitu Pakistan laga Lyari te pathai diya hoise ekta Baloch gang infiltrate koribo. Film te Ranveer Singh spy Hamza Ali Mazari, alias Jaskirat Singh Rangi laga role kori ase, aru Akshaye Khanna gang laga leader Rehman Dakait laga role te ase. Sanjay Dutt, R Madhavan, Arjun Rampal, Sara Arjun aru Rakesh Bedi bhi film te acting kori ase.
Film laga sequel, Dhurandhar 2, March 19, 2026 te Eid laga time te release hobo koi thakishey, sob South Indian languages aru Hindi te. Itu same din te Geetu Mohandas aru Yash laga film Toxic: A Fairytale For Grown-Ups bhi release hobo, juntu logote clash hobo.
Dhurandhar tu box-office expectation pura bhangi dise aru domestically ₹1000 crore pora besi collect kori dise. Itu Bollywood laga khub select club te thaka ekta film ase, jitu club te matro charita film ase jikhon itu milestone reach kori dise. Itu films khon ase Allu Arjun laga Pushpa 2: The Rule, SS Rajamouli laga Baahubali 2: The Conclusion, aru KGF Chapter 2.
Add Comment