New Delhi, 28 January : Release howa almost duita mahina pichete bhi Dhurandhar domestic box office te strong thaki ase. Aditya Dhar laga film tu first six haafta te hi record book pura rewrite kori dise, agey haafta daily collection te notun-notun record set kori. Eitya eighth haafta te film tu aru ekta dangor peak touch kori dise — Dhurandhar etiya India market te ₹1000 crore gross cross kora khali chautha film hoi dise. Itu list te thaka baki sob film South pora ase, etu karone Dhurandhar hee ekmatro Bollywood film ase itu club te.
Eighth weekend te Dhurandhar India te ₹2.9 crore net collect kori dise, aru Republic Day te aru ₹1.25 crore add hoise. January 26, jun film laga 53rd din ase theatres te, tate Dhurandhar laga domestic collection ₹1000 crore cross kori dise. Eitya film tu India te total ₹1002 crore gross (₹835 crore net) earn kori dise. Isse agey Hindi film karone India te sabse besi earnings record Shah Rukh Khan laga Jawan laga ase, juntu ₹760 crore gross earn kori ase.
Ranveer Singh laga Dhurandhar etiya khali chaarta film thaka ekta khub select club te ekmatro Bollywood representative hoi dise. List laga top te ase Allu Arjun laga Pushpa 2: The Rule, jun India te ₹1471 crore gross kori dise. Pushpa 2 itu record tu SS Rajamouli laga Baahubali 2: The Conclusion pora break kori dise, jun 2017 te ₹1417 crore gross korise. List laga third position te ase all-time highest-grossing Kannada film — Yash laga KGF Chapter 2, jun India te ₹1001 crore earn kori dise.
Overseas market te bhi Dhurandhar ekta dangor success hoi ase. Middle East te ban thaka pichot bhi film tu international territories te $33 million pora besi earn kori dise. January 28 tak worldwide gross almost ₹1300 crore poise.
Itu spy thriller tu Aditya Dhar direct kori ase aru Ranveer Singh lead role te ase, logotey Akshaye Khanna, Sanjay Dutt, R Madhavan aru Arjun Rampal important roles te ase. Sequel Dhurandhar 2 March mahina te release hobo, jun pura story conclude koribo.
Add Comment