Dibrugarh te Panchayat official para bribe kora thurishe

July 6, 2021. Assam’s Dibrugarh district te village panchayat official para tinta(3) youth laga hath para bribe lowa nemite police para thurishe koishe. Panchayat official Mridupaban Chetia of Panitola Gaon panchayat ke police para red handed thurishe, etu samai tai para tinta(3) youth hath para Rs 500 loi thakishe. Police para koishe ke, etu poisa toh Permanent Residence Certificate (PRC) issued koriboli promise korishe. Tai ke Panitola police team outpost te inspector-in-charge Dinanath Sonowal para thurishe koishe. “ami khan logot youths para complaint kora te panchayat secretary para Rs 500 toh bribe mangkishe. Aji tai ke poisa toh loi thaka samai thurishe,” koikena Sonowal para khobor toh janaishe. Sonowal para janaishe ke, panchayat secretary para office papers keniboli nemite poisa toh mangkishe koishe. “etu neshina beya kam toh itya be Assam laga jaga besi te jaiase. Konuba Government offices te be bribes loi ase,” koishe. “ami khan para Panitola Gaon panchayat laga panchayat secretary ke thurishe aro tai logot sawal kori ase. Tai para poisa toh youth laga hath para loishe koikena manishe,” koikena police officer para janaishe.