October 11, 2024: Rapper Sean Combs aka Diddy tho prison deh ase, sex trafficking aro racketeering laka charges karne. Rapper laka arrest aro trail tho Hollywood laka dangor manu kan keh hilai di nah ase. Tateh bishi wak tho Diddy laka sathi kan taki shae. Singer Justin Bieber para Diddy tho taila ekta mentor ase kui nah ahi ase. Hoile b Bieber tho Diddy lokot deh kam nakuri nah ekta victim ase kui nah manu kan bishi etu papna deh ase. Ekta agae deh viral hua video deh utu papna keh support kuri ase.
Justin Bieber aro Diddy laka ekta purana video viral hui ase itia. Video deh Diddy, ekta gari para olai taki shae aro Justin Beiber keh hug kuri nah greet kuri taki shae. Hug kuri nah tai Bieber laka chest aro torso deh chui taki shae. Video tho Justin Bieber nijor para post kuri shae, 2021 sal deh.
Thursday din deh Daily mail para etu title lokot deh video tho share kuri shae: ‘Diddy laka disturbing video, Justin Bieber lokot deh. Caption deh aro etu liki nah taki shae: “Ekta wapas aha para ekta speculations keh spark kuri di shae. Video deh Diddy tho pop star keh check kuri taki shae, tai wire lakai nah ase nah nai jani bole.”
Add Comment