Buenos Aires: Diego Maradona pora Gimnasia y Esgrima La Plata te nuton head coach karne join kurise aro club khan Argentina laga top division khan pora tai khan ke rank niche te nakuribole karne larai kuri ase.
58 pora etya jai dhakiya Superliga Argentina season next May khotam howa tak dhakibole laga contract ke manise, club’s official website te likhi kena dhakiya statement hesab te, Xinhua news agency pora khobor kurise.
Maradona laga last coaching kam toh Mexican second division side Dorados logot kurise, aro June mohina te khao biya hoi kena rukhi jaise.
58 umar, 2008 pora 2010 tak Argentina laga national team laga head coach dhakiya manu, olap ake te dhing aro hat laga surgery jai kena phal hoise, tai laga lawyer Matias Morla laga hesab te.
Gimnasia khan etya 24-team Superliga Argentina te etu season laga panchta match pora ekta win aro jarta loss hoi kena last te ase. Sunday pora loi kena club khan pora nuton manager karne bishiri dhakise, Dario Ortiz Argentinos Juniors ke 1-o pora hariya biche te olaijaa biche te.
Maradona ke kahani te sobse phal footballers karne mane aro tai ekla pora Argentina ke 1986 World Cup title Mexico te chitai dise.
Add Comment