New York, 06 May 2025: Diljit Dosanjh 2025 Met Gala debut te ekta dangor statement dishe, juntu tai laga Punjabi roots aru cultural pride ke dikhai kina fans ke beshi stun kurishe. Prabal Gurung laka design lagai kina, Diljit event laga theme “The Garden of Time” aru Black Dandyism laka beshi baal pora milaishe, aru Sikh identity ke proudly represent korishe.
Diljit ekta traditional kurta, tehmat, turban, aru ekta sword loi jaishe. Tai laga cape te Gurmukhi script thakishe, aru pura look modern-day Maharaja nishina lagaishe. Tai laga royal appearance raati laka ekta highlight hoishe, fashion critics bhi bhal praise dishe.
Kintu etu look aru ekta grand level te jabo pari thakishe. Diljit laga team reveal korishe ki taikan Patiala Necklace include koribole mon takishe. Etu necklace 1928 te Maharaja of Patiala, Cartier ke diya order te banai thakishe. 2900 thik diamonds thaka etu necklace laka weight 1000 carats thakishe, aru aji laka value around $2.5 billion (₹21,000 crore) ase.
Diljit laga stylist Abhilasha Devnani New York Times ke koi dishe ki taikan necklace loan koribole try korishe, kintu mana kura nai karon etu museum te sealed ase. Tai opai natikhi kina, taikan Indian jeweller Golecha ke commission dishe Maharaja laga collection pora inspire kora jewellery banabole, juntu te turban brooch bhi include ase.
Diljit laga appearance dekhaishe ki culture aru high fashion ek sat thakibo pare, jodi billion-dollar laka necklace nathake lebe.
Add Comment