New Delhi, September 29 : Singer Diljit Dosanjh tu million opor manu laga dil te raaj korey, khali India te ekla nohoikina dusra desh te bi. Diljit tu ekta private manu asey. Aro tailaga parivar laga mamla te, tai eman jankari nidiye. Hoilebi, tai para recently tailaga UK concert te first time tailaga ama aro didi ke introduce kurisey. Ajikali Diljit tu tailaga DilLuminati Tour nimitey UK laga alag alag jaga te perform kuri asey. Aro Saturday din te Manchester te ekta concert rakhisiley. Etu show te, Diljit ke ekjun maiki laga agey te jhukikina taikey hug kora dikhisey. Etu picheyte, tai para etu maiki laga haath dhurikina taikey audience laga ageyte introduce kurikina koisey, “By the way, etu amilaga ama asey.” Emotional hoikina, tailag ama para taikey hug kurisey. Etu picheyte, Diljit para aro ekjun maiki laga ageyte jhukikina tailaga haath hilaikina etu tailaga didi asey koikina janaisey. Tai para enaka koisey, “Tai amilaga didi asey. Amilaga parivar aji yatey ahikina asey.” Diljit tu ekta private manu asey koikina jana jai. Aro tai tailaga parivar laga bari tee man kotha nokorey. Tai para tailaga shaddi laga bari te bi kitya bi public te confirm aro discuss koranai. Hoilebi, etu saal laga April moina te, ‘The Indian Express’ para koisey ki Diljit laga ekta close friend para Diljit tu ekjun Indian-American maiki ke shaddi kurisey aro tailaga ekta chokra baccha asey koisey. Etu report hisap te, Diljit laga maiki aro chokra tu United States te bohey.
Diljit Dosanjh para first time tailaga family ke UK concert te introduce kurisey
Add Comment