Dimapur, 16 October: National Highway – 29 te Chathe River bridge (Patkai Bridge) laga rasta para Kukidolong tak sob pera (movement) toh October 18, 2020 para suru korikena 24 khonda tak nemide pura restriction thakibo. Etu toh hoile kaam suru koribole nemide ase.
Deputy Commissioner of Dimapur Rajesh Soundararajan, IAS para aji October 16 te circular te koise, 24 khonda nemide sob pera te pura restriction toh Chathe River Bridge (Patkai bridge) to Kukidolong tak October 18, 2020 (Sunday) laga 05:00 am para October 19, 2020 (Monday) laga 05:00 am tak restoration works nemide thakibo.
DC para be restriction kora toh jokhom powa, jevaan loss howa aro property beya howa nathakibo nemide ase koise.
DC para be general public ke halka gari nemide he tusara rasta toh Dimapur to Kohima / Kohima to Dimapur nemide lobole koise. Etu nemide nemide tusara rasta thaka toh 7th Mile – New DC office – Shokhuvi – Razaphe – Mhaikam – Pimla – Mhainamtsi – Jhornapani / Medziphema aro vice versa ase koise.
Add Comment