Dimapur, 24 August: Saturday din Nagaland House, New Delhi deh Nagaland State delegation para Taiwan technical team logode meeting loise. Etu meeting toh bamboo opor deh Taiwan logode technical cooperation nemide kotha kuribole loise. State team ke Resident Commissioner & Additional Chief Secretary Jyoti Kalash para lead kori kena Bamboo Mission Team Director Imtirenla aro staff thakise.
Bamboo industry othabole aro motob kuribole nemide Nagaland deh SME aro MSME toh Dimapur deh “India-Taiwan Bamboo Technical Centre” bonabole plan korise.
Centre para Nagaland Bamboo Resource Centre (NBRC), Dimapur deh host kuribole ase aro etu toh Nagaland Bamboo Development Agency (NBDA) aro Taiwanese Bamboo Company para R&D, technology transfer, skill development, exchange of experts, investments in bamboo sector, marketing, etc deh bonabole ase.
Kuolie Mere, PRO (IPR), Nagaland House, New Delhi hisaab deh, etu cooperation deh kamiyaab hobo nemide NBDA laga Chairman para led kori kena August 4-7 deh Taiwan deh lok korise aro alak alak stakeholders khan logode meeting loishe.
Taiwan logode broad base mela toh short term aro long-term goals deh ase.
Taiwanese laga centre toh Nagaland Bamboo Resource Centre (NBRC), Dimapur deh be thakibole bhabole ase. Indo-Taiwan cooperation aro organize international seminars, workshops, forums, bamboo plantation deh expo nahoile seminars, biotechnology investment, trade, nesana khan be lobole plan be ase. Taiwan laga konbah agencies TAITRA aro ICDF nesana khan para NBDA logode kaam kuribole namise.
Mere para khobor janaideya toh, Taiwan para technical team toh joldi Nagaland ke lok kora thakibole ase. Etu time deh technical cooperation agae joija thakibo aro Indian aro Taiwanese governments laga motob para materialize kora thakibo. Etu para pura NE States ke laab powah thakibo. Taiwan technical team koise, ahhibole din exchange programme nemide bamboo tourism toh explore kuribole paribo.
Add Comment