Nagaland

Dimapur deh “International Day of World’s Indigenous Peoples” manaise

August 11, 2019
20 Views

Dimapur, 10 August: Mother tongue bachabole aro othabo nemide 9th August 2019 deh “International Day of World’s Indigenous Peoples”  toh theme “Indigenous Languages” pethor deh Elim Hall, Dimapur Ao Baptist Arogo  jaga deh namaise. Etu programme toh Tir Yimyim, Ao Vernacular daily Newspaper, Nagaland para ola laga ase.

Founder & Editor,  Tir Yimyim, K.Temjen Jamir para etu din opor deh koise, duniya deh 6000 opor languages toh haraijabole laga rasta deh ase. Etu para Indigenous Languages bachabo nemide UN para 2019 toh Indigenous languages laga sal nemide junishe. Tai koise, International Day of World ‘s  Indigenous Peoples toh hotai sal August 9 direk deh namai. Etu para promotion and protection of human rights, 1982 deh UN working group laga first meeting toh mark kori.

Rev.C. Walu Walling para topic ” Yashi, tanu aser asung Ao oshi jenjang” opor deh kotha kora thakise. Tai koise, desh laga identity aro foundation toh language ase. Tai koise, first Christian missionary Rev.Dr. EW Clark para Ao dialect toh language deh bonaise. Etu toh Roman script suru kori kena aro 1911 deh Ao Naga Dictionary bonai kena korise. Etu samai para othabole aro bachabole nemide alak alak plan toh alak alak levels deh loi. Etiya Ao language toh university level deh suru kuribole laga position deh ase.

Rev. Para be alak alak levels deh dekthari pai thaga janaishe. Tai para hama howah khan ke Jungliyimti Academy” suru kuribole laga process opor deh koise aro etu toh approval nemide Ao Senden deh deshe koise. Judi etu academy deh namise koile besi scholars khan ke motob pabo aro Ao language ke be bachai rakhibo nemide motob pabo koise.

Language officer, Department of Education, Takowati be programme deh ahha thakise. Tai jama howah khan ke performing samai deh dekthari powah opor deh koise, “Judi ASLB toh thek dictionary deh rakhise koile ahhibole din dekthari powah toh nathakibo.

Secretary, Ao-Senden Literature Board, I.Temjen Tsudir para be alak alak organization khan para So language othabo nemide alak alak step lowah laga kotha korise. President Ao Senso Telongjem Dimapur, L Wati Jamir para be jama howah khan ke kotha korise. Din laga tusara highlights deh Abiogenesis aro Anungba Sanglir para gana gaishe. Programme deh Tinujungshi Tsudir chair thakise aro Rev.L. Kari Longchar para invocation prathana korise.