Dimapur, 16 September: Monday din Dimapur District para Chief Medical Officer’s Office deh the Leprosy Case Detection Campaign (LCDC) suru korishe. Dimapur District para intensive campaign laga daiyari nemide sob blocks deh medical officers, ANMs aro ASHAs ke training de thakise. Campaign toh September 16 direk para 22 direk tak thakibo.
Dr. P.J. Gogoi, Sr. Regional Director, Ministry of Regional Office for Health & Family Welfare, Government of India toh State deh Central Observe be hoi. Tai koise, etu campaign deh khor khor survey toh ektum kaam laga ase kelay koile notun cases janibo nemide. Etu bemari opor deh sorom howah para besi infect howah patients khan medical treatment nemide agae nahaa thakise. Etu intensive campaign para lokai kena thaga cases janibo aro medical treatment debo.
Tai koise, ahhibole hapta tai motob debo nemide health units deh lok kuribo. Tai para etu campaign laga field workers khan phal para mon dekena saijabole koise aro bemari hataidebo nemide motob debole koise.
Inaugural programmed eh Dr Heto Swu, ZLO Dimapur chaired thakise. Dr Ahu Sekhose, State Leprosy Officer, Nagaland para khobor janaideya toh, 2016 deh etu nesana campaign lowah time deh 125 suspected cases janise aro etu laga deh 4 cases positive paise. Tai para agae campaign deh kamiyaab howah toh field worker khan mon dekhena kaam kora aro shaat deya nemide ase koise.
Dr Gogoi para be LCDC Control Room inaugurate kroa thakise aro campaign toh Dr K Vikato Kinimi, Chief Medical Officer Dimapur para inaugural programme time deh suru korise.
Dr Gogoi, Central Observer inauguration bechide State Leprosy Officer, Zonal Leprosy Officer, Consultant NLEP aro tusara paramedical workers logode Medziphema CHC aro Socunoma SC deh lok korise.
Add Comment