Dimapur, 31 August: Deputy Chief Minister Y. Patton toh Minister incharge of Home, Roads & Bridges be hoi. Tai Saturday din Dimapur Town deh PWD junction to Unity College road tak rasta bonai thaga jaga deh lok korise.
Dy.CM jaga deh lok kora toh ongoing road improvement works laga stock lobo nemide lok korise. Etu toh “Improvement of Dimapur city roads” pethor deh kaam suru howah samai para 12 moina majode kothom kuribo nemide loise.
Patton para concerned contractor ke workmanship opor deh kotha nakoribole koishe. Tai para contractor ke jaat koraideya toh, kaam kothom howah bechide contractor para tin moina nemide rasta sai thakibole laga zamidari lobole jaat koraise.
Tai para contractor deh road improvement project laga terms aro conditions deh thakibole koise.
Dy. CM ke Dimapur Police Commissioner, Limasunep Jamir IPS, Dimapur Deputy Commissioner, Kevekha Kevin Zehol aro PWD (R&B) Executive Engineer Talitemsu Jamir para shaat deya thakise.
Add Comment