June 27, 2024: National Clean Air Program (NCAP) laka nam deh, ekta Planation Drive Program, Dimapur laka Supermarket jaka deh lui shae. Etu program tho June 27, 2024 din deh taki shae. Event tho Minister of Environment, Forest & Climate Change aro Village Guards Nagaland, C.L John aro Commissioner aro Secretary, Department of Environment, Forest & Climate Change, Y. Kikheto Sema, IAS para grace kuri shae.
Lhinghokim Touthang, IFS, FUO aro IC DFO, Dimapur, kun para program tho chair kuri shae, tai para plantation drive tho approximately 690 meters cover kuri shae kui shae, 440 plants lokot deh. NCAP tho Minister of Environment, Forest and Climate Change (MOEFCC) para launch kuri shae, 2019 deh. Launch kura laka aim tho, particulate matter laka concentration keh 40% para komti kuri bo karne ase, 2026 para tho. NCAP pitor deh Dimapur Forest Division kan bishi pollution instigating kam kan implement kuri nah ahi ase. Taikan para traffic bishi jaka taka deh vertical gardens kan install b kuri shae.
Hoile b Lhinghokim Touthang para pots kan chor hui ase aro vertical garden kan para plants kan keh b unroot kuri nah ase kui shae. Tai para citizens kan keh garden tho bhal para sabi kui nah appeal kuri shae. Tai para pollution komti kura tho aro air quality bhal kuri dia tho sob manu karne bhal ase kui shae.
Y. Kikheto Sema, IAS para ekta keynote address deliver kuri shae. Tai para public majo deh awareness bana bole lakeh kui shae. Tai para public kan keh climate change tho phat address kuri bo lakeh kui nah jani dibo lakeh kui shae. Tai para Dimapur laka air quality tho national average lokot deh komti ase kui shae aro citizen kan keh ghas kan aro plant kuri b kui shae, air quality bhal kuri dibo karne.
Taila speech deh, C.L John para saba awa tho mukan zinda taka laka foundation ase kui shae. Tai para society aro alak alak council members kan keh Nagaland manu majo deh awareness uthai di b kui shae. Climate change keh combat kuri bo karne tai para NCC aro alak societal members kan keh, tree planting initiatives deh participate kuri b kui shae, mukan laka planet aro environment keh safeguard kuri bo karne.
(Limatoshi, IA Dimapur)
Add Comment