Dimapur, July 9: July 8 direk state laga Sumi community para Pimla village ground deh Tuluni festival manaise. Tuluni Papu nemide Minister, Agriculture & Co-operation, G Kaito Aye thakise.
Programme deh Kaito Aye para bosti laga dangor manu khan para cultural dance kora ke ektum kushi powah janaise. Tai koise, etu nesana presentations para aji kali laga generation khan ke Sumis laga roots aro rich culture janibo nemide ektum giyan dae.
Minister para be agricultural practices laga kotha kowah thakise aro tai para besi phak maike khan Government funded societies jolabole laga koise.
Kaito para Pimla village laga citizens khan ke society toh shanty annibo nemide mediator hobole koise aro neighbouring villages aro tribes logode be phal para mela meli thakibole koise.
Zhekiye village community
Zhekiye village community Dimapur para July 6 direk Eralibill, Dimapur deh Tuluni Festival manaise. Etu festival toh Er N Shikaho Zhimomi aro tai laga family para host korise. Programme deh Chaired toh Ghuvishe Zhimomi, chairman and Hutoka Chishi, secretary, ZGKD thakise.
Er N Shikaho Zhimomi para hama howah khan ke bosti community majode loving, caring aro harmony bonabole koise.
Sumi Tuluni history aro etu laga significance toh Kuhoi P. Zhimomi, ex-chairman, ZGKD para present kora thakise aro Tuluni folk song (Lezhole) toh baba laga group deh Visheto Chishi para lead korikena present korise. Cultural song (Thishole) toh ama laga group ke Hekali A. Zhimomi aro Mughalito S. Zhimomi para lead korikena present korise.
Programmed eh Akhetsu Kukulo Kukuxu (Top spinning competition), Shulupa Kiche (Head hunting spear throwing competition) aro Ashi Kumuza (Pork fat eating competition) be thakise.
Add Comment