DIMAPUR OCTOBER 5: Dimapur laga deputy commissioner office conference hall 5th October 2018 te District Planning and Development Board meeting loishe . DC Dimapur Sushil Kumar Patel, IAS kun etu DPDB Dimapur laga vice chairman ase Dimapur te aha nutun officers khan ke welcome kurishe .Poila luwa meeting te kotha kuwa khan te olop review jaishe Etu house khan manishe kagooz khan phutabole Riverbelt School, Full Nagarjan, Dimapur ke upgrade kuribole nimete aro etu kagooz khan toh sob thik thak thakishe .Nichete thaka societies khan laga registration laga kotha olaishe meeting te aro etu kagooz khan sob thik thak thaka nimete etu house khan pora etu kagooz khan toh Home Department khan ke phutaishe action lobole karne .Etu societies khan laga naam toh 1. Nagaland Importer and Exporter Association, Noton Basti Dimapur 2. Tribal Weave, Duncan Basti 3. Kevichusa Foundation society, East Block Colony, Burma camp 4. Mobilise Actions for Change 5. Skilled Educational Society, East Police colony Dimapur and 6.Helping Hand for Empowerment, Livelihood and Progress, Darogajan village, Dimapur ase. Government Hindi Institute, bonabole laga kotha kuwa time te house kan manishe etu kaam kura toh sabole nimete aro sabo etu department khan etu matter toh lobole paribo na naparibo .Meeting te house khan manishe departmental Sports week 21st pora 23rd October2018 tak lobole nimete aro etu nimete DC khobor dishe ekta committee olabole ase etu kaam kuribole nimete . Power and Urban development khan pora tai khan laga department khan ki ki kurishe etu khan dikhaishe.
Add Comment