July 05, 2025, 05:40 PM: Nagaland, Dimapur laga Deputy Commissioner – Dr. Tinojongshi Chang, NCS para toh hoiley ekta official advisory issue kurishey, itu public khan ke urge kuri kena, nodi osor laga area khan tey nabiraboley karney, itya monsoon laga season chuli thaka homoi tey aru itya flash flood khan aru pani khan achanak achanak para bari thaka homoi tey.
Itu District Disaster Management Authority (DDMA) laga hisap tey, ajikali laga heavy para pani gira para, nodi khan aru stream khan tey pani bishi hoi jawa laga dikhiboley pari asey, itu district tey. Itu nimitey public khan ke strong para advise kurishey maas khan mara nishina, picnic khan kuria nishina nahoilebi alag pani laga related activity khan nakuriboley mana kuri asey, nodi laga osor khan tey.
Sob bosti laga council khan kun toh hoiley nodi osor khan phaney laga asey, tai khan ke request kurishey, strict para enforce kuriboley, itu directive toh, itu monsoon laga season khotom nahoa tak. Itu advisory toh hoiley emphasize kurey ki, itu toh hoiley public laga safety laga matter asey koi kena, aru itu toh hoiley sob manu khan mani kena chuliboley lagey koi kena janaishey.
Judi kiba emergency khan ulaishey koiley, manu khan ke, State Emergency Operation Centre tey call kuriboley koishey : 1070 (Toll-free) / 0370-2291120/22 aru State Disaster Response Force (SDRF): 9366819486 / 7005806182 / 8415085131 tey bhi phone kuriboley paribo koi kena janaishey.
Itu administration para aru bhi janaishey ki, itu measure khan toh hoiley husiyar janaboley karney asey, aru itu toh hoiley ekdam essential asey, manu khan laga jeevan aru property khan bachai kena rakhiboley, itya laga high-risk laga homoi tey.
Add Comment