Dimapur District Para HMV Laga Restriction Approve Kurishey, Duncan – Borlengri Bridge Tey

March 09, 2025, 06:36 PM: Public laga grievance khan ke address kuri kena: Duncan & Borlengri council khan para entry restrict kurishey, heavy gari khan laga, school laga homoi tey. Heavy Gari khan laga entry restrict kuri dishey, 7:00 AM – 09:00 AM tak tey aru Afternoon laga 01:00 PM para 03:00 PM tak laga. Heavy Gari khan laga restriction toh hoiley March 10 tey para impose kuriboley asey, koishey. Council para restriction toh heavy gari khan nimitey enforce kurishey, Dimapur laga District Administration logotey approval loi kena. Naga community khan kun toh hoiley Borlengri, Karbi Anglong, Assam tey thaki kena asey, tai khan para bridge banaboley laga tey contribute kuri kena asey, kuntu toh hoiley Duncan aru Borlengri connect kuri asey. Itya itu Bridge laga condition toh hoiley bishi biya condition tey asey. Tatey traffic personnel ke deploy kuriboley asey, traffic control kuriboley karney & restriction order ensure kuriboley karney. Council khan para citizen khan ke directive hisap tey chuliboley appeal kurishey; namani kena galti kuria manu khan ke penalize kuribo koishey. Duncan council para public ke tai khan laga letra saman khan itu bridge under tey pheka boley manna kurishey.