January 31, 2025, 05:59 PM: Dimapur toh itu Nagaland laga commercial hub thaki kena, ekta significant challenge face kuri asey, kitya sanitation laga kotha ahey. DMC laga Councillor – Achum Jami logotey ajikali ekta interact kuria homoi tey, tai para itu saph safai laga issue ke address kurishey, itu city tey.
Tai para mention kurishey ki, itu Dimapur Municipal Council (DMC) toh hoiley dustbin khan distribute kurishey, itu sob dukan malik khan ke, hoilebi bishi dustbin khan toh hoiley bhal para nachulai kena asey. Itu ke address kuriboley, Jami para state kurishey ki, itu DMC toh hoiley surprise checking kuriboley asey koishey, aru judi kunba dukan malik khan itu dusbin khan toh tai khan laga dukan laga bahar tey narakha laga paishey koiley, penalty khan face kuriboley asey koishey, tai khan laga trade license tak bhi seize kuriboley parey koishey. DMC laga Councillor – Achum Jami para itu Residential Sanitation Fee, laga matter bhi clarify kurishey, explain kuri kena ki, itu DMC toh hoiley, tai khan laga responsibility toh continue fulfil kuri thakibo, gari khan para hudai garbage khan uthaboley di kena, alag alag colony khan para. Judi kiba kibi breakdown khan thakishey koiley, tai para assure kurishey ki, itu service toh hoiley aru next din para kuri jaboley dibo. Tai para itu public khan ke cooperate kuriboley koishey, itu DMC laga effort logotey khara thaki kena aru eke logotey kaam kuriboley koishey, ekta sapha city maintain kuriboley.
Add Comment