Dimapur laga District Planning and Development Board meeting September moina laga Deputy Commissioner office, Dimapur laga conference hall 11th September 2018 te loishe .Etu meeting te board members khan pora kile etu Dimapur Government College laga wall bonabole lageh etu uporte te kotha koishe aro manishe etu khobor toh Higher Education Department ke dibo action lobole nimete .Board members khan pora aro kotha koishe ekta dialysis unit dhalibole karne District Hospital Dimapur, aro manishe chiti ekta likhibole karne Medical superintendent ke action lobole kkarne .Aro Royal Academy H. Khehoyi village Niuland Dimapur dangor kuribole karne board members khan koishe etu departmebb khan pora sai dibole nimete ADC Niuland pora verification report diya pichede.Society laga registration nimete Board khan pora kotha koikena manishe etu societies khan toh recommend kuribole karne Home department khan ke etu societies khan toh Mercy Society, Nagaland Poultry Forum, Bethel Home society, Trio Task society, Khermahal Area Business Welfare Association, Being Humane, Hmar Christian Fellowship, Seva Bharati Nagaland aro Atou Welfare society khan ase . Dy. Commissioner of Taxes Dimapur pora kinika VAT ke GST pora bodli etu uporte presentation dishe .Tai pora khobor DDO s khan ke koishe training centre te call kuribi koikena Commissioner of Taxes office Dimapur te thaka te khobor khan janibole mun thakile . Executive Engineer Power aro Urban Development officer ke tai khan ki ki kurishe etu laga report toh next meeting te dibi koikena janaishe .
January 19, 2025
World's First and Only Nagamese Newspaper
Add Comment