Dimapur Laga DC para Juvenile Justice Act Provision Khan Adopt Kuria Regard Laga Strict Compliance Opor Tey Order Issue Kurishey

March 2, 2026, 10:06 PM: Itu Dimapur laga Depuy Commissioner – Dr. Tinojongshi Chang, NCS para toh hoiley ekta order issue kurishey, strict compliance kuri kena, Juvenile Justice (Care & Protection of Children) Act, 2015 laga Sections 80 aru 81 logotey, adoption karney matter khan relate thaki kena.
Itu order toh hoiley state kurishey ki, itu governing adoption laga statutory provision logotey non-compliance laga instance khan, itu Act under tey report kuri di kena asey, kunba quarter khan tey. Tai khan para aru bhi koi kena janaishey ki, kunbhi bacha khan toh hoiley adoption nimitey offer kuriboley naparibo, itu Juvenile Justice (Care & Protection of Children) Act, 2015 aru itu Adoption Regulation under tey frame thaka provision khan laga hisap tey hey paribo.
Itu Act laga Section 80 laga hisap tey, adoption laga violation procedure khan toh hoiley 3 saal laga jail hoboley logotey punishable asey, aru Rs 1,00,000 tak tey fine hobo. Aru bhi, Section 81 toh hoiley bacha khan laga procurement aru sale nimitey punishment prescribe kurey, ki ki laga kaam nimitey hoilebi – illegal adoption bhi milai kena, aru itu para eneka kaam toh punish kuriboley laga asey, itu law under tey.
Itu laga regard tey, sob hospital khan, nursing ghor khan, clinic khan, maternity centre khan, Child Care Institution khan (CCIs), NGO khan aru alag related establishment khan ke ensure kuriboley direct kurishey ki, kun bhi bacha khan toh hoiley man uke diya, offer kuria, manu para loi loa nahoiley adopt kuriboley diya, nahoboley lagey, payment kuria laga hobi nahobi.