April 21, 2025, 06:13 PM: Itu Dimapur District laga muhina laga District Planning aru Development Board (DPDB) meeting loishey, April 21, 2025 tey. Itu DC laga Conference Hall tey para, itu Deputy Commissioner aru DPDB laga Vice Chairman – Dr. Tinojongshi Chang, NCS laga chairmanship under tey.
Key agenda khan kotha kurishey, itu Itiki Montessori School toh Class – 8 tak upgrade kuriboley laga, Darogapathar tey aru “Vision for Change” society laga registration kuria laga, Hill View Colony tey, duita bhi agree kurishey, agey tey forward kuriboley approval nimitey. Itu board para ekta raasta laga naam bhi naam budli kuriboley laga proposal approve kurishey, itu East Dimapur Town Council jurisdiction under tey.
Ekta proposal kuntu toh hoiley ekta alagsa administrative headquarter laga establish kuriboley bisari thakishey, East Dimapur tey, utu laga discuss kurishey aru ekta committee toh hoiley constitute kuriboley asey, itu opor bhal para study kuriboley.
Departmental presentation khan kurishey, itu Health & Family Welfare Department (CMO), Sakhi One Stop Centre (OSC), District Hub for Empowerment of Women (DHEW), aru itu Water Resources Department para.
Teenta notun DPDB member khan ke bhi welcome kurishey: Executive Engineer PWD (H), Er. Kiheto Yeptho, DEO (Evaluation), T. Zulutemjen aru Dimapur Government College laga Principal- Kezhaleu Hesso, ke.
Industries & Commerce laga Advisor & MLA – Hekani Jakhalu kun para bhi itu meeting tey attend kurishey, tai para office khan ke ekta team hisap thaki kena kaam kuriboley encourage kurishey aru itu district laga reputation uphold kuriboley koishey.
Emphasize kuri kena ki, Dimapur toh hoiley “nerve centre” asey koi kena, itu state laga, tai para itu administration ke urge kurishey, alag district khan nimitey ek example hoi kena agey jaboley koishey, tai khan bhi pichey pichey khidaboley.
Jakhalu para monsoon nimitey tyaar thakiboley laga urgency highlight kurishey, request kuri kena ki, itu ke bhi agenda tey dahliboley karney, next meeting tey. Tai para maiki officer khan laga contribution ke commend kurishey, especial para DHEW aru Sakhi OSC para, tai khan laga imcat kuria laga kaam para aru tai para itu department ke encourage kurishey aru bhi effective para collaborate kuriboley karney.
Jakhalu para tai laga address tey, government servant khan laga role reflect kurishey, tai khan toh public leader aru divine steward khan asey koi kena, ekta personal message share kuri kena inspiration laga aru tai para sob office khan ke urge kurishey itu community tey sincere aru faith para serve kuri thakiboley koishey.
Itu meeting toh hoiley next DPDB meeting tey Power laga Department aru PWD para PowerPoint presentation khan diboley asey koi kena announce kurishey. Itu meeting tey toh hoiley itu district laga sob head khan para attend kurishey.
Add Comment