February 11, 2025, 05:33 PM: Itu District Planning & Development Board (DPDB) Dimapur para tai khan laga first meeting loishey, itu saal laga, 11th February, 2025 tey, itu Deputy Commissioner lafa Conference Hall tey para, Dimapur laga. Itu meeting toh hoiley H. Tovihoto Ayemi para chair kurishey kun toh hoiley Tribal Affairs aru Election nimitey Advisor aru MLA asey, Dr. Tinojongshi Chang, Deputy Commissioner & Vice Chairman, DPDB, Dimapur logotey, itu discussion khan initiate kuri kena
Ayemi para ekta warm welcome extend kurishey, sob attendee khan ke, acknowledge kuri kena ki, itu toh hoiley itu saal laga first DPDB meeting asey koi kena, kiley koiley January tey ekta bhi eneka nishina meeting kuria nai. Aru janiboley pari kena ki, kunba officer khan toh alag commitment khan thaki kena, tai para aru bhal para sincere thakiboley encourage kurishey attendance tey, particular para senior officer khan bhitor tey, effective coordination aru progress ensure kuriboley.
Ayemi para tai laga appreciation express kurishey, tai khan laga role nimitey aru agey saboley koishey tai khan contribution nimitey. Tai para sob officer khan ke aru board member khan ke bhi thanks janaishey, tai khan laga dedication aru mehnat kuria nimitiey, itu district laga developmental nimitey.
Tai para active participation thakiboley laga importance emphasize kurishey, DPDB meeting tey aru tai para district head khan ke regular para attend kuriboley karney urge kurishey, highlight kuri kena ki, tai khan laga insight khan aru input khan bhi crucial asey itu Dimapur laga growth ke shape kuria tey.
Add Comment