March 9, 2026: Itu Dimapur Railway Station laga modernization laga status discuss kurishey, itu 14th Nagaland Legislative Assembly laga 8th Session tey, NLA Hall, Kohima tey, 9th March, 2026 tey, tatey member khan para land issue khan highlight kuri kena, aru ekta amicable settlement lagi thaka highlight kuri kena, itu project facilitate kuriboley.
Itu discussion initiate kuri kena, MLA Nuklutoshi para koishey, tatey toh hoiley negligence thaki kena ahishey, alag alag stakeholder khan para aru question kurishey, kiley itu Northeast Frontier Railway toh hoiley chup chap asey koi kena, bishi saal para, eku complaint khan lodge nakuri kena, kitya illegal construction khan toh hoiley hoi thakishey, itu railway laga mati khan tey.
Itu discussion tey participate kuri kena, Chief Minister Dr. Neiphiu Rio para, ekta eke milai kena settle kuriboley lagi thaka stress kurishey, itu historic station laga aas paas tey thaka mati laga settlement nimitey, emphasize kuri kena ki, itu state toh hoiley itu develop kuriboley laga opportunity toh lose kuriboley afford kuriboley naparibo koi kena, aru itu crucial hub expand kuriboley.
Add Comment