December 15, 2023 : Saal tey kuri thaka laga, Dimapur Night Carnival toh hoiley itu Dimapur Chamber of Commerce aru Industries (DCCI) para organise kurishey, itu district administration logotey collaborate kuri kena, Super Market laga Naga Shopping Arcade tey, Thursday tey. Itu night carnival laga 11th edition kuntu toh hoiley December 20th 2023 tey para khotom hoboley asey, itu toh hoiley 5:00 pm para 11:00 tak thakiboley asey. Organisers khan para inform kurishey ki, tatey komse kom 100 stalls khan nishina set up kuri kena asey, overcrowd nahoboley karney.
Itu jama hoa manu khan ke address kuri kena, itu carnival toh inaugurate kuri kena, commissioner of police (CP) Dimapur – Kevithuto Sophie para DCCI ke acknowledge kurishey, itu Dimapur Night Carnival laga success opor tey. Itu “jua khan khila laga” aru “mudu laga bar khan khula” laga tag khan opor tey comment kuri kena koishey ki, itu khan khula aru kuria laga bishi huni asey, CP para itu organisers khan ke urge kurishey, eneka nishina illegal activities khan nakuriboley aru Dimapur laga citizens khan ke ahiboley dibi yatey aru part loboley dibi yatey bhal para.
Tai para assert kuri kena koishey ki, sob manu khan responsible asey, ekta sensible atmosphere banaboley karney manu khan kun yatey attend kuriboley asey, mon tey eku bhoi narakhi kena nahoiley eku alchi nalagi kena kiba kibi laga.
Add Comment