Dimapur Para Traffic Safety Measure Aru Speed Limit Enforcement Implement Kurishey

November 30, 2024, 05:10 PM : Raasta tey accident khan bishi uthi thaka para, manu khan bishi speed chula karney, authority khan para toh hoiley notun speed limit khan announce kurishey, specific raasta khan nimitey, Dimapur tey, 01.12.2024 para 01.01.2025 tak effect tey thaki kena. Itu speed limit khan toh hoiley 50 Km/hr asey, Zion Hospital Junction para, Chumoukedima tak tey aru Chathe Bridge (Patkai/Seithekema) phaney para ssam/Niuland district aru 30 Km/hr asey Dimapur City laga area tey. Itu public khan ke itu bhi remind kurishey, important traffic advisory khan follow kuriboley karney, mandatory seatbelt khan, helmet khan bike chulawa manu khan karney chulaboley koishey, aru gari chula homoi tey mobile phone khan chulaboley ban kuri di kena asey, aru strict para nisha-pani khai kena gari chulaboley manna asey, itu sob policy toh mandate kuri di kena asey. Unauthorize retro fitment khan aru improper park kuria para toh hoiley, itu para bhi penalty khabo koi kena janaishey. Authority khan para toh hoiley zero tolerance nimitey warn kurishey, traffic violation khan kurishey koishey aru galti kuria manu khan toh hoiley strict action face kuriboley asey koishey, itu Motor Vehicle Act under tey.