Dimapur, 24 October: October 21 direk Livingstone Foundation International deh 1st Science Fest 2019 suru howah toh school laga auditorim deh kothom hoise.
Etu din deh Sanjib Kr. Sinha, convener, Network of Organizations for Science and Technology Communication (NOSTC), New Delhi aro Dr Kanaklata, Senior Scientist & Head, Krishi Vigyan Kendra, Panchmahal, Gujarat toh guests of honour nemide thakise.
Valedictory programme deh, inter-school projects competition nemide prizes toh guests fo honour para deya thakise. Christian HSS para Ist prize jetishe aro etu jeta toh tai khan laga project ‘Plastic waste management’ nemide ase. St. Mary’s Montessori & HSS para 2nd prize jeta toh tai khan laga project ‘Hydro power project nemide ase. Host Livingstone Foundation International para 3rd prize jeta toh tai khan laga project ‘Sewage water treatment plant’ nemide ase.
Jeta team khan ke toh trophies, cash aro certificates deya thakise. 1st aro 2nd Prize jeta khan ke toh Rs 2500 laga one-month free subscription deya thakise. Etu toh tai khan mobile phones deh BYJUS Learning App deh deshe. Etu toh programme time deh Swarnava Saha, Zonal Head, BYJUS para declare kora thakise.
Dimapur chapter of Science Fest 2019 deh alak alak organizations aro departments hishaa lowah thakise aro etu toh Breeze Women Welfare Association para facilitate kora thakise. 1st Science Fest Kohima aro Peren chapters toh October 30 direk tak G. Rio School, Kohima aro All Saints Hr. Sec. School, Peren deh loi thakibo.
Add Comment