DIMAPUR,SEPTEMBER 26,2019: Nagaland State Rural Livelihoods Mission (NSRLM) khan Department of Rural Development “be skilled, be employed” bithor te Niathu Resort, 7th Mile, Dimapur 25th September 2019 Minister for Rural Development, Metsubu Jamir special guest thakikena Antyodaya Diwas manishe .
Alag alag departments khan laga alag alag PIAs aro officials laga trainees aro faculties khan logote kotha kura time te Minister para youths khan ke khushi janaishe self employment chuna nimete aro ama baba khan ke dhandyaabad koishe tai khan laga bacha khan ke self reliant thakibole diya nimete.
Tai koishe self employed thakishe koile toh khali nijor ke hi support nakurikena hoilebi kaam kuri thakile toh state government laga poisa nachulaikena ekta relief ase kile koile toh poisa toh dusra developmental kaam nimete te bi chulabole paribo.Tai para aro bi trainees khan ke role models thakibole koise society te etu para dusra khan bi etu eki toh lobo aro tai khan laga skill capabilities dikhabole narukhabole lageh.Juwan manu khan ke aim toh dangor thakibi koikena Jamir koishe duniya laga dhun manu khan toh self employed ase aro kun khan chotu business para shuru kurishe .
Additional Secretary, RD & Mission Director, NSRLM, Athel O. Lotha kun para keynote address dishe koishe ki etu celebration n toh ekta landmark day ase NSRLM nimete etu toh DDUGKY bithor te training shuru kura laga ase .Tai para gathering khan ke aro koishe ek sdal te 722 juwan manu khan ke alag alag traits te training dishe etu te 163 toh placement paishe alag alag companies te aro bishi youths khan aro bi train hobole ase aha sal te .Tai koishe DDUGKY para dignity, livelihood aro state laga economy uthabole nimete ase state laga rural youths khan ke kaam dibole nimete.
Etu celebration laga dusra highlights khan te Ministry of Rural Development laga representative para short speech dishe , Anthony Chasteii para work readiness dishe ami khan journey toh Malcolm Fernandez, success story sharing, special number and recognition of functionaries dishe.Etu programme toh Additional Mission Director, Kevipodi Sophie para loishe aro Chief Operating Officer (Skills) Menuoneituo Chadi para vote of thanks dishe.
Add Comment