Ministry of Micro, Small and Medium Enterprises laga under te etya chulithaka Raising and Accelerating MSME Performance (RAMP) program laga hisa te, Department of Industries and Commerce para Nagaland Industrial Development Corporation (NIDC) logotey milikina, Department of Underdeveloped Areas (DUDA) laga support para 4th aro 5th March, 2025 te Sovima, Chumoukedima laga Mongken Apparel Unit te “Apparel Technology Workshop: Redefining Tradition with Tech” tu successfully organize kurisey.
Nagaland laga total 58 entrepreneurs(business suru kora manu) aro MSME(chutu-mutu business nohoilebi company) khan sob workshop te participate kurisey. Etu para dikhai asey ki ajikali laga technology ke poila para cholaikina aha kapra bana laga technique logotey milaidiya te manu khan bisi interest asey. Sob ke ekey somman treat kuribole nimitey, busti area para aha participants khan nimitey thakibole laga bhal jaga arrange kuridisey. Etu workshop laga aim tu haath para kapra bana laga nutun technique, tradition ke ajikali laga fashion logotey milaidiya, kapra laga selection, kapra khan te color, pattern nohoilebi design khan dhala, industry laga advanced machine chola te jankari barabole aro skill develop kuribole laga asey.
Etu workshop te 6ta technology clinic thakisey kuntu te haath para kapra bana aro ajikali laga technology ke eksath ana, fabric(kapra) ki ki type laga asey etu buja, haath para bana design khan ke computer laga istamal kurikina digital banaidiya, kapra bana laga pura process ke improve kora aro kapra bana homoitey environment ke dhyan te rakha laga topic khan cover kurisey.
Etu event tu RAMP team para welcome address dikina suru hoisey. Etu picheyte MSMEs, RAMP program aro Udyam registration laga bari te bujabole nimitey ekta presentation disey. Kapra industry laga expert khan para etu session khan lead kurisey. Etu expert khan tu Vilhousa Movi, ekta award jitikina thaka fashion designer; Vekuvolu Dozo, ekta national aro state award jitikina thaka kapra bana manu kunlaga khasiyat tu back strap bana aro purana kapra bana laga technique chola te asey; aro Mongken apparel unit laga team thakisey.
Etu workshop tu RAMP team aro Yanger Lemtur, Mongken Apparel Unit laga incharge para vote of thanks dikina khotom hoisey. RAMP team para etu program laga participants khan ke technology ke purana jamana laga technique logotey milabole enocourage kurisey, taki kapra bhal para banibo aro banabole laga homoi aro dukh bi komti hobo. Taikhan para MSME khan nimitey loan pabole aro national MSME scheme khan pabole nimitey Udyam registration kuribole kiman jaruri asey etu laga bari te bi janaisey. Lemtur para etu programme laga participant khan ke josh dikha nimitey tarif kurisey aro taikhan laga feedback para etu janibole khsui paisey ki taikhan tu kiba nutun sikhikina aro nijor para ban a saman khan logotey nijor jag ate wapas jai asey.
RAMP, tu World Bank para support kora ekta initiative asey kuntu laga aim tu Nagaland te MSME khan barabole laga asey.
Etu Apparel Technology Workshop laga success para Department of Underdeveloped Areas under te Ministery of MSME, Department of Industries and Commerce, Nagaland Industrial Development Corporation (NIDC) aro Mongken Apparel Unit tu manu khan ke technology cholabole dibole aro skill develop kuribole dibole laga commitment tu dikhai asey.
Add Comment