Dimapur, October 30 – 30th October 2025 te Dimapur DC Office Conference Hall te District Level Padayatra laga pre-event briefing rakha hoishe. Meeting chair korishe Deputy Commissioner, Dimapur, Dr. Tinojongshi Chang, NCS.
Meeting te upcoming District Level Padayatra laga preparation discuss hoishe. Etu Padayatra organize korishe Mera Yuva Bharat (MY Bharat) under Ministry of Youth Affairs and Sports, collaboration te District Administration, Dimapur aru Police Department, with cooperation of other line departments. Etu Padayatra ase ekta part of Sardar @150 Unity March Campaign, juntu organize kora jaishe in honor of Sardar Vallabhbhai Patel laga 150th birth anniversary.
Rally to hstart koribo 31st October 2025 te, early morning 6:00 AM para City Tower, Dimapur te, aru end koribo Dimapur Government College te. Around 200–300 students, including NCC cadets, NSS volunteers, aru youth club members, participate koribole ase etu event te.
District-level campaign toh continue koribo October 31 para November 25, 2025 tak, aru national-level event hobo November 26 para December 5, 2025 tak.
Etu Padayatra laga main purpose ase Sardar Vallabhbhai Patel laga principles aru vision ke honor kora, juntu India ke unify kori thakishe aru territorial integrity protect kori thakishe. Event toh tribute ase tai laga leadership ke, juntu All India Services establish kori thakishe aru ekta strong aru united India build kori thakishe.
Deputy Commissioner Dr. Chang urge korishe sob department, institution aru volunteer khan ke cooperate koribole aru full participation di jabole, jate event toh ekta grand success hobole.
Add Comment