Dimapur, 16 November: Monday, November 16, 2020 te, Purana Bazar, Dimapur te joi ola para jarta khor jolishe. Etu para 14 families ke khor nathakikena charishe. Joi para be 40 lakhs nesana property beya korise.
Kenny Khing, R. O (E), Fire & Emergency Services, Nagaland koise, Purana Bazar, near Hollohon Petrol Pump, Dimapur para fire call November 16, 2020 laga 12:30 pm te aha nemide, Fire & Emergency Services para joldi jawab toh deshe. Etu toh joi te control koribole nemide Fire Station Dimapur (Central) aro Fire Station Dimapur (West) para team pothaikena.
Khing koise, jarta Fire Tenders logode Equipments & Fire Personnel kaam suru kora thakise. Jarta Kutcha khor toh joi para jolaideshe aro 14 Families ke khor nathakikena charishe. Property 40 lakhs nesana daam toh joi para lost hoise.
Joi te fight koribole nemide Fire Team ke ek khonda adha lakishe. Hoilebe Fire Team para thek samai jawab deya nemide 20 lakhs daam laga property bachabole parishe aro LPG cylinders phutibole thaka aro osor-osor jaga te joi laki-jabole thaka be bachaishe.
Tai aro koise, mora nahoile jokhom powa toh khobor howa nai aro etu joi ola toh electric short ciruit nemide ase. Response team te Duty Commander, S.I Kelesezo Tsükrü aro ASI K.Hito Zhimomi para led kora thakise.
Add Comment