October 03,2020: Nagaland government para Dimapur town aro NH-29 para Chumukedima town tak October 5 till October 31 gaari bera laga odd-even system chulabole nimete manishe,
Dimapur commissioner of police Rothihu Tetseo para etu order toh Saturday te dishe etu te koishe ki hudai Monday, Wednesday and Friday te khali gaari khan 1, 3, 5, 7 and 9 laga registration number thaka toh chulabole dibo.
Hudai Tuesday, Thursday and Saturday te gaari khan 2, 4, 6, 8 and 0 khotom huwa registration toh chulabole dibo.
Etu restriction toh Sunday te nathakibo aro vehicle laga category essential services bithor te thaka toh exempt kuribo.
Order te aro bi koishe government servants khan bonafide government duties te aro gaari khan essential service diya te COVID-19 related duties te etu restriction para exempt thakibo.etu bi thik thak kagooz aro ID proof dikhaikena.
Two-wheelers ke bi etu traffic restriction para exempt thakibo.sob bhaari khan four lane bona laga kaam valid permit thakikena etu own area aro highway area 9am para 3pm tak bondh thakibo.
Tetseo koishe judi etu order te mananai koile toh Motor Vehicle Act 1988 laga Section 177 and 179 bithor te sajaa dibo.
Tai para sob manu khan ke mondibole janaishe public khan laga safety nimete.
Add Comment