DIMAPUR , MAY 11 , 2019 :Emporium Skill Training Institute, Dimapur khan para ahibole thaka nutun property Pune 1st September, 2019 te khulibole karne United states laga sobse bhal wala hospitality brand Ritz-Carlton para 9th aro 10th May 2019 te campus interview loishe .
Dui din interview luwa pichede sob milaikena 80 students khan ke chunishe aro tai khan etu post te join kuribo etu bi Emporium Skill Training Institute te training khotom huwa pichede.Etu sob 80 students toh PMKVY scheme Government of India laga Skill Development scheme ase aro etu eki toh state te Directorate of Employment, Skill Development & Entrepreneurship khan loishe .Salaries khan world class learning aro growth opportunities charikena etu chunikena thaka students khan ke free food aro fully furnished company accommodation etc khan pabo.
PMKVY Scheme, bithor te etu training toh free of cost di ase sob students khan nimete kun khan Emporium Skill Training Institute te training loi ase .
Etu interview toh Manav Malhotra – Hotel Manager & Payal Kulkarni, Director – Human Resources para loishe .Aro tai khan para Emporium Skill Training Institute khan Ritz-Carlton logote india laga official recruitment patner bonaikena MoU sign kurishe .Emporium khan etia hudai sal Nagaland te PMKVY scheme bithor te komti hoilebi 220 students khan ke train kurishe .
ITC Grand Bharat – Gurgaon and ITC Kohenur – Hyderabad 13th aro 14th May 2019 te Emporium khan next campus interviews lobole ase.
Add Comment