February 26, 2026: Dimapur tey 2nd Phase Disaster Management Training loishey, Hotel Saramati tey para, first responder khan nimitey, kuntu toh hoiley emergency tyaari thakiboley, response skill khan aru coordination thakiboley, disaster khan laga homoi tey.
Itu training toh hoiley dui din laga asey, 26th toh journalist & media person khan print, electronics & digital media nimitey thakishey aru 27th February toh in-service official khan & IPR department laga staff nimitey loboley asey.
Shuru laga training Journalist & Media Person khan print, electronics & digital media laga aji laga event tey duita session loishey.
1st Session tey, Media & Public Relations NSDMA, Nagaland Govt. laga Assistant Management – Ms. Keren Rose toh resource person hisap thakishey. Tai laga session tey tai para risk management aru media laga bishi dangor role play kuria laga opor tey samjhaishey. Tai para bishi saal para nala laga problem khan aru jui khan juli thaka khan opor tey kotha kurishey aru Dzukou Valley tey jui laga opor tey bhi highlight kurishey.
Tai para media ke public khan ke educate kuriboley laga bhal role play kuriboley urge kurishey. Aru pre-disaster para hey ready thakiboley koishey. Aru bhal para positive para expertise aru public khan logotey tai khan nishina hey hoi kena ekta thaki kena interact kuriboley koishey.
2nd Session tey, Nagaland Govt. Fire & Emergency Services laga Fire & Prevention & Audit Officer (FPAO) – Mr. Kenny Khing para resource person thakishey. Tai para “Fire is a good servant aru ekta biya master” koi kena quote kurishey. Tai para ‘jui toh ki asey’ itu opor tey samjaishey, NFPA handbook laga hisap tey. Tai para jui laga concept explain kurishey: ‘Triangle of fire; Tetrahedron of fire; Cycle of fire’ laga kotha samjhaishey. Aru itu pichetey tai para, Jui laga classification explain kurishey – Class A fire; Class B fire, Class C fire, Class D fire’ opor tey.
Add Comment