October 22, 2024, 05:45 PM : Ekta anti-rabies vaccination drive set kuri kena asey, conduct kuriboley Dimapur District pura tey, ekta health initiative laga part thaki kena, itu Chief Veterinary Officer, Dimapur laga office para. Itu drive toh hoiley rabies khan spread hoboley tey para rukhaboley aim kuria laga thakishey, kuntu toh hoiley ekta fatal hoilebi prevent kuriboley para laga ekta disease asey, thik homoi tey vaccine khan di kena, ghor tey pala janwar khan ke – kutta aru billi khan nishina. Itu announcement toh hoiley ekta circular tey diya laga thakishey, itu Dimapur laga Deputy Commissioner – Dr. Tinojongshi Chang para, 21st October 2024 tey.
Itu vaccinstion drive toh hoiley, designate thaka location khan tey loboley asey, sob bosti khan, colony khan, aru ward khan bhitor tey, aru pet laga malik khan ke ensure kuriboley koishey ki, tai khan laga pet toh hoiley vaccinate hoi kena asey. Chang para toh hoiley Colony, Ward, aru Bosti laga Council khan ke request kurishey, itu initiative ke support kuriboley, kuntu toh hoiley pet khan aru community khan ke bhi bachai kena rakhiboley aim kurey laga asey, rabies khan laga risk khan para.
Add Comment