January 19, 2025, 05:33 PM: ATM booth khan laga condition khan toh bishi biya hoi jai kena/ thaki kena, ATM khan toh cash ulai kena diya nahoi kena manu laga mon khushi nakuria laga hey dispense kuri asey. Public khan cash poisa komti thaka laga complain kurey, ATM booth khan tey.
Citizen khan para digital & cash payment khan opor tey ki bhabana asey share kurishey. Moi khan ATM khan tey cash ulaboley jaishey koiley, dikhi pai ke, hisap nakuria public khan para civic sense nabukhi kena, kona khan, dusbin khan tey bishi gutkha, pan khai kena bishi letra kuri di kena asey, aru eman sapha maintain kuri kena thaka jaga ke bhi garbage laga jaga nishina banai di kena asey. Itu itya eneka letra hoi kena thaka toh itu ATM laga bank management laga galti asey na irresponsible public khan asey asey, itu opor tey sob manu khan bhi bhabna kuriley bhal asey.
Dimapur tey bishi ATM jaga khan tey eneka hey letra kuri di kena asey, bishi signboard khan display kuri kena rakhilebi bhi bishi manu khan obey nakuri kena nijey khushi kuri kena letra kuri di kena asey. Aru bishi bhak toh nijey para sapha nathaki kena, Government ke nahoiley concern department khan ke blame kuri thaki kena asey, maintenance nakurey koi kena.
Add Comment