June 01, 2026, 7:43 PM: Itu sexual assault laga victim laga baba toh chub naboha hoishey itya toh. Victim laga baba para koi asey, tai toh hoiley itu alleged accuse O. Watimeren Jamir ke najaney; tai laga bacha ke toh itu accused laga buini logotey hey rakhi kena thakishey, koi asey.
CWC para toh itu bacha chukri aru tai laga baba ke hapta tey khali duibar hey lok paboley di asey olo phomoi nimitey.
Victim laga baba para CWC ke tai laga bacha ke parivar logotey aru ahibo diboley appeal kurishey. Medical report toh aru paboley baki asey, CUD para janaishey.
CUD para investigate kuria agency khan ke, juldi para aru fair para justice ensure kuriboley urge kurishey.
Itu case toh hoiley victim laga teacher para child helpline/CWC ke contact kuria pichetey ulawa laga thakishey, May 22 tey.
Accused O. Watimeren Jamir Jamir ke May 29 tey arrest kurishey; 2nd Accused Tsuktimongba ke May 30 tey arrest kuria laga thakishey.
