Dimapur Tey Sex Racket Bust Kurishey, NSCN/ GPRN K (NIKKI Group Para

June 28, 2024: Dimapur tey Sex Racket Bust kurishey, NSCN/ GPRN K (NIKKI) Group para, Hotel Mist, Burmacamp tey, 27^th June 2024 tey. 

Tai khan para hotel laga manager- Josim Talukdar & Priyanka 20 saal laga, tai duijon ke dhurishey, hotey laga malik toh hoiley Josim Talukdar & Juber Chowdory asey koishey, eneka thakilebi, itu hotel laga aru ekta malik Juber koa toh polai jai kena asey. 

Chukri khan toh hoiley Guwahati tey pari ani thakey koishey, Josim para. Josim koa manu toh hoiley 40 client khan laga contact thaki kena asey koishey, khobor hisap tey. Moi khan eneka nishina illegal activity khan kuria laga toh bardash nakuribo koishey, NL: UT Chairman para. NSCN K (NIKKI) para aru bhi koishey tai khan itu nishina illicit activity khan laga against tey strong para khara asey koi kena, Nagaland tey. NSCN/ GPRN K (NIKKI) laga group para eneka nishina kaam kuria janishey koiley eneka he action loboley laga asey koishey.